Sabeth, Care Giver dakal la deng bisang lumaut magobra munta aliwang bansa, anti ing America lalu na queng obrang mag-caregiver, ngara bala da ding malda, misnang kayan obra anti mo ining Sabeth a quecatang bida bilib ya careng Care-Giver America caretang magkuwentu't mamalita caya lubusan deng icua ing lub na't kumpiansa at minta ya i Sabeth carin America Care-giver ya canu quetang puntalan na matas canu suweldu, mayan namang obra anya ala salang magkamal yang pera bayu ya pa minta i Sabeth America queti Pilipinas mistula yang Donya nung magpa-mudmod ya queng kamag-anak na kupal yai Santa Klaus pama-mie ng pera sane yang tatalan maragul a pera dalan-dalan libu nung datang la caya atin yang magobrang anac qng Nigeria at atin yang anac tiga-America o detang pera pang cayang panaquitan quetang negosyo ng insurance a liban magpautang ya pa caretang manandam a queng negosyo da pera queculangan ustung pasyalan no deng kamag-anak na a qng cacaluluan paldak-sikaran la deng tsa-limang dalan at tunggal-libu pa mamasus lang luluwal queng cayang pitaka deta mang pupunta at caya pasaup a deng pamilya da maibug ng dumanup abata no waring sabo ela milup bista ma't kulang la queng sariling kayud atin naman ngening memalita caya ding magbalik-bayan ibat America "aro carin", ngara, "nung mag-Care-giver ca" "caretang suweldu mu, magkamal cang kuwalta" asus, minisip ya ing quecatang bida queng cayang pagkeran mibule-bule ya "mas asaupan cu la deng anac cu", ngana "nung makapag-obra cu carin America" oita, e megluat ing palaban a Sabeth dagli nong ayatsu papel ng munta state cabang napun queni mamangan ya pang cake ngeni America carin ne mig-migrate pangaras na carin quen ya pa mung bale nung nu na atantu, icuang masalese mayan America nung papasyalan me pero nung magobra, "Ay! Kerat-ning-alte" ing bale pa naman a tutuknangan na libutad disyertu carin ya ing banda deng sasaken a bus bista't malagad la mumuran pang gabun ustung mamangin na i Sabeth pa naman eya magmanehu nya ene agamit atin la mang autu at ing ciudad pala e ya pilan cantu nung kailangang munta calautan yang todu malagua't-salita dininan deng obra papasyal no sana deng i-care-giver na oneng ita na pin ing cayang problema e ya magmanehu't ala yang lisensiya anya oita dugu ding caya mipunta detang matuang maina't ena lalakad pa kailangan pang ibuat nung linisan na la ding alti dang buldit caya lang wasan pa "Aruy cu, Dios cu po", Sabeth ing tangis na "ot pepaimbursan mu ing acu magdusa kasampat na wa-la carin ing bie cu na pepaburen mu cung queni pa mipunta" "ninu mong manisip queng cacung kabilian pamag-care-giver pin a cacung gagawan bala da mo wa-la simpli mu at mayan e da dugu balu manos cung pitaklan" "alas-cuatru pa mu na ning galingaldo migising na cu at kailangan ng tikdo kirut-kirut la pa't mabaya ding pago cabang tatangis cu't ena maibug mako" pero nanu pa mo ing akarapat na ngening miras na quen at carin atiu na ipalto na wari-ing kamarinayan na pibatan na dugu, ing Dios bahala na anya ining Sabeth siknangan naing lub na aguiang susuka na itang cayang obra ngana "kailangan cung bagya pang mibata uling kailangan cung magpadalang pera" pauli na niti meyayat yai Sabeth queng cayang pamangan mesira ya diet uling deta canung wawasan ng buldet potang mamangan ne ali no a-forget bukud pa kanita misna ya qng pagal kabubuat na caring pasyenting mabagal at angga man potang bale ne dinatal makabusangut ya queng lub ng masukal panga-uli deretsu ya queng cuartu na katawan ng pagal bagsak ne queng kama nung agkat deng mangan "mapagal cu" ngana ede acasabi queng kabuwisitan na misan kasabi ne metung a anak na ngana canu, "Nanay, ala na queng pera" "Aba, mal kung anak", bulyong pequibat na "Bala yu mo ata tatakla cung kuwalta". "Bagya-bagya naman quecong pamanggastus uling queng obra cu maibug cung matodus nung man mabie cu pa quen mung daripordius daig que pa i Judas a mamusang kurus". queng panakitang diyes-y-sais ing oras itang limang dolyar agencia ya miras anya suma-tutal caibat na ning kaltas sumalud yang Libu caibat ning kinsenas apulu yang oras megobra canita quetang balang aldo, aduang duminggu ita aniya queng umpisa ng munag-munag pa atiu ne ing bengi potang cauli na ngeni na aisip lubus akilala dati ng ugaling gumastus a sobra nen mo sanang mayan lang datang deng pera anti la mo waring lalaus queng moda ngening anti waring kukudkuran na la puhunan daya't lua pamanintun pera sinumpa queng lub na ena maulit pa alang katuturan a pamanggastus da at ngana pang Sabeth "ustung minuli cu at atin cung dimdam a magyabang todu a ing mag-caregiver buenas yang opisyu panampalingan que queng dakal a tau" oita ing cuentu na care-giver tang bida apibalak-balak ena apibata anya queng ambug ng manaliwang obra quetang obrang "food handling" mekipag-test ya at uling i Sabeth buntuc matni ne man queng pamagaral ya bista ma't mituknang angkin ng talinu at lub ng siknangan aba apasar ne ing "food handling" a yan anya ing cuentu na queni mapupus ne pamag-caregiver ng maibug icamate pero makanyan man pota taluquian te susunud ng chapter cayang pamibie-bie (C)opyright 2008, Anac Ning Arenas