Ing Anak A Ronald ing anak a Ronald maki-kayapan ya nanu ya mang metru'ing panyukad mu caya matua na, kapatad, o kaluguran na subuk da ne ngan ing lugud na carela malati ya pa mu queakitan da ne talustus na buntuk at kabiasnang tune e pa man magaral, ngara "balu na ne ing maging obra ng Tagapagligtas Bie" anya ngana canung Ima cang Tatang na "Aru, Posong - ngeni mu, ma-alti ta na uling ing buri na canu ning anac ta mag-Doctor ya canu queng pangaragul na" at miras ing aldo cayang pamagaral misalat ya caring kaklasi ng dakal mag-umpisa pa mu agad ng miniral linto ing kabiasnan ng anting mamirapal anya megyari ya queng Elementarya bilang manimuna caring kaklasi na at caring labanang mia-liwang escuela pepaduku na la ding katunggali na maguing queng haiskul carin qng Arayat nung nu dakal la ring biasang akatapat pepasibayuan ng migbabo't sinikat ing Batang Arenas ala yang kasukat at migpatuluy ya papunta colegio nung nu ya megaral carin qng FEU at kalupa na ning sabi na cang Indu inari ne ing kursung pamag-medico at meg-umpisa neng ginusal magobra kabud apasar ne'ing kursung Medicina dakal lang hospital deng tinanggap caya nung nu na ginamit itang kabiasnan na dapot ing higit dang caya panguntaryan bukud qng tagle ng guelinga't kabiasnan ing pamaki-abe na't tune ng guenakan lalu na caretang maki-kakaluluan at patunayan da ding kaluguran na ka-klasi't caquialung iniang malati la detang megkulangan suwerti qng palad da ena ka-calinguan pamag-antabe na caring pengari na, kapatad at pisan eda na pangutang ing cayang kaguiwan uling kapilan de mang oras lapitan makabuklat lang palad na kaili't wanan at pati na detang palsintang kabaryu nung misan mirasnan kailangang paulu balang pepasaup caya minabisu pagkalub neng libre ing cayang serbisyu bihira lang tutu caring menga-suwertian ding biasang malikid quetang penibatan a e mengalinguan quetang kakaluluan at caring kabaryung kapus kapalaran malagad la mu pin careng miku-kuwalta a makadalpak pa gabun ding bitis da a e "anting Tagak queng Damulag" ngara "bala na matas pa quetang tutukluan na" (C)opyright 2008, Anac Ning Arenas