Araw ng Kalayaan June 12, 1898-2008
Caluguran cung Pengari at Kapatad,
Komusta cayu? Bayu pu ing sabla, pabustan yung ibie cu
quecayu ing mayap a oras, at sana, dasnan na cayu nining
sulat a atiu queng masayang kabilian at alang nanu mang
kapanamdaman.
Guewa que pu ining sulat para agkatan da cayung makipag
-celebration queng pang-Dinalan at Apulung Banua (110
years) nang Aldo Ning Kalayaan ning Pilipinas (June 12,
1898-2008), a pig-buisan dang bie ding Bayani tamu.
Bilang pamakipag-saya queting Aldo Ning Kalayaan, balak
la pu sanang dinan saup-pangabyayan deng 110 a
pakakalulu o maki-kapansanan manibatan caring 30
Barangay ning Arayat, kapamilatan ng Tang Abelar at ding
aliwang mamuntukan da ring Senior Citizens mabilug a
Arayat, bilang simbulo ning pamisaup-saup at pamisasan-
metung tamung mibabalen at mikakapatad.
Atlu (3) pung bague ing layun na niting masimbulong
saup-kabyayan careng mangailangan tamung kabalen:
1. Bilang pamagsaya queng Aldo ning Kalayaan,
2. Para makasaup caring kabalen tamung mangailangan, a
aintindiyan tamu at balu nung nanu ing karelang
daramdamang kasaquitan, at
3. Pinaka-importante - para gisingan tala puso at
kapanamdaman queng mismung Aldo ning Kalayaan ding
mamuntukan ning gubyernu tamu, a sana magbayu na la
ngan at maging tapat queng pamag-serbisyu da, para
mibangun ya at tune pasibayung maging malaya ing
bansa tamung Pilipinas.
Quen pung pamamie-saup careting 110 a kabalen, kumbiran
tala di Congressman Dong Gonzales, Gobernador Ed
Panlilio, Mayor Espino, at deng anggang Barangay Kapitan
ning Arayat. Canita pu, mag-mensahe [cu] carela at
hamunan talang sana buklat da na la ding puso da at
isipan para umpisan da ng mag-serbisyung tapat qng balen
para qng ikalaya ng tune ning Pilipinas queng
pangalugmuk na queng marinat at maka-sariling
pamanungkulan da ding keraklang mamuntukan.
Quecayu pengari cu, sana payabut yu cari Coya, Atchi,
wali at kapatad, lalu na ding mangasanting a obra at
magobra qng aliwang bansa, ing agkatan cu lang sumaup
nung malyari, P1,000-P5,000. Bang canita, makalikom tamu
sanang P50,000 anggang P100,000 para panyaling pamangan
para caring 110 a pakakalulu mabilug a Arayat.
Sana pu, apadala dala ding saup bayu May 15, 2008.
Kaibat kanita, ali na la mitagal. At bilang buena-mano
queng lilikuman tamu, umpisan cu ne pu queng ibie cung
P10,000. At buri cung abalu yung kasaup tala namang
mamie di Cong Jaime Bacani (P10,000), Ate Sabeth Vinuya
(P4,000), Ronald Canlas (P5,000) at Ate Judy Sim (P5,000).
At quecayu naman, Coya, Atchi, wali at kapatad cu,
agkatan da cayung sumaup at maki-antabe, ali mu bang
makasaup caring kalulu tamung kabalen, nune queng
pamagpabalu at pamagkumbinsi careng pulitiko tamu a sana
magbayu na la at tupad matapat qng karelang katungkulan
queng gubyernu, para queng ika-unlad ng pasibayu ning
bansa tamung Pilipinas.
Uling tune dang kukutang ding canita ausan aktibista qng
Unibersidad ning Pilipinas (UP):
Nung aliwa ikatamu ing mag-umpisa, ninu?
At nung ali ngeni, kapilan pa?
Mahigit 30 banua na pu ing milabas, manibat iniang sinabi
da ita.
Balu cu, mas dakal la deng sasabing imposibleng malyari
ing baiwan taya pa kapalaran ing Pilipinas. TUTU pin
ita, uling alang bisang gunyat at mag-umpisa kekatamu,
lalu na detang masikan a bosis magsalita.
Atin waring imposible potang ikatamu ngan ing
gagalo?
Ena wari sasabyan ning Biblia:
Apalakad me ing Bundok, nung tune ca
kasalpantayanan.
Eta mu wari buri, aduampulu o limampulung banua manibat
ngeni, lingunan de ding anak tamu at apu, at maging
mabilog a yatu, ating malating Baryu Arenas queng paanan
na ning Bundok Arayat, misasanmetung la ding memaryu at
inumpisan deng telakad pasibayu ing lahing Pilipino!
Ing anak yu at kapatad,
Anac Ning Arenas
|
Araw ng Kalayaan June 12, 2008
Donations Received:
Ate Judy Sim - P 5,000
Cong Jaime Bacani - 14,280
Anac Ning Arenas - 21,500
Alberto Dizon - 2,000
Sabeth Vinuya-Borja - 2,000
Mr. L. Ang - 500
Dianne Canlas Tan - 1,000
Dr. Ronald Canlas - 5,000
Eduardo Miranda-Diaz - 4,000
Ruth Cortez-Africa - 4,000
========
Total (as of June 12, 2008) P 59,280
Savings Interest 33
========
Running Total... P 59,313
NOTE:
Bie la pu deng donations cang Tang Abelar Reyes
o Cong Romeo Bautista, at dinan da cayu pung
Recibo katunayan a tinggap dala ding donation yu.
...
uling nung aliwa icatamu, ninu?
at nung ali ngeni, kapilan, sabian mu?
uling balang aldong palabasan tamu
libung pamagdusa ing queng Balen tamu
at ena malyaring canacu mu sabyan
a ing bague iti masaquit yang gawan
uling atiu queca't ala caninu man
ing pamanagumpe ica ing tatalan
e wari pilan besis ta ng apurba
ing pamisanmetung at ing milagro na
emu quetang mil otso sientos noventa (1890)
nune kapilan pa carin quetang EDSA
misanmetung tayang leko Malacanang
ing mig-lilong Marcos queng Sinta tang Bayan
berikada tala ding mal tang katawan
handang magpa-bitso careng tangke't garan
quetang mil otso sientos noventa y otso (1898)
e wari misanmetung ya ing lahi tamu
atlung dalang banuang (300 years) pangasakup tamu
iniang misanmetung mekalaya tamu
nanu pang prueba ing quecang paintunan
alang imposible nung buri mung gawan
lugud qng sarili ya mung tanging hadlang [kalaban]
at pipigil quecang luguran me ing Balian
canitang mebangkaroti ya ing Thailand
at ing buong bansa limbug ya qng utang
pero qng lugud ding cayang mamamayan
misasanmetung lang dinaun ing yaman
at anti mong metung pemaglukas dala
ding balang alahas, ginto at pilak da
e bali ing malubas queng Balen dang Sinta
bie man idaun de nung kailangan ne pa
pilan la pang Rizal deng buring ibuis mu?
o Katipunerong Andres Bonifacio?
bayu mu aintindiyan at lubus atanto
nung nanu ya ing Balen queng pangatau mu
eta ne sa dugu dapat papanayan
dinalan a banuang lumabas, dumalan
bayu ya lumayang pasibayu ing Bayan
queng pangalugmuk na't darlang kasaquitan
...
Financial Assistance to senior citizens
Residents of Arenas, Arayat, Pampanga dubbed as
"People with a Golden Heart" bonded together and
gave financial support to senior citizens. In
above photo, Arayat Mayor Chito Espino (center)
hands over an envelope to senior vitizens during
the 110th Independence Day celebration in the
town. Witnessing the event are Mr. Erenesto Reyes,
Bgy. Capt. Angelina Fabian and Nestor Gamboa.
|
Independence Day June 12, 1898-2008
To my beloved Parents, Elders, Brothers and Sisters,
How is every body? Before I go on, may you allow me
to give you my warm greetings at this hour , and
may this letter reach you in such a happy moment
enjoying the day with all the goodness in your health.
I wrote this letter to invite you to celebrate with
us on the (110th year)One Hundredth Year Philippine
Independence Day (June 12, 1898-2008), where our
heroes gave up their lives for us.
As a way of sharing the joyful celebration on the
Independence Day, we came up to the plan of giving
away livelihood treats to 110 poor or Senior citizens
coming from 30 Villages of Arayat, through the joint
initiative of Tang Abelar and other Senior Citizens
Leaders in the whole town, as symbol of helping and
unifying gesture among us Brothers and Sisters.
Three (3) things are the aims of this symbolic
livelihood help for our town mates who are in need :
1. A show of joyful celebration on the Independence Day,
2. To share our blessings to our less fortunate town
mates, which we understand and are well aware of
their difficulties, and
3. The most important - to touch the hearts and feelings
of our government Servant Leaders, that they may all
change in their ways and give the dedicated service,
for our country Philippines to rise up and be truly
free again.
For the help that we are giving to these 110 town
mates, we will be inviting Congressman Dong
Gonzales, Governor Ed Panlilio, Mayor Espino, and
all the Barangay Captains of Arayat. Then, I will
give a message to them and we will challenge them
that may they open up their hearts and start
thinking of serving with dedication for their
hometown for the true freedom of the Philippines
from the down fall due to dirty and selfish ways of
service by most of the elected leaders.
To you my dear elders, please extend to my elder
and younger Brothers, Sisters, specially those
blessed with good paying jobs and those working
overseas, my plea to persuade them to help if
possible, in the amount of P1,000-P5,000. So that,
we may be able to raise a targeted amount P50,000 to
P100,000 to buy food for the 110 poor from the whole
town of Arayat.
I respectfully urge you, to send your help before
May 15, 2008. After that, it would have been too late.
As a start off for our fund raising, I am giving
P10,000 seed money. And I am very happy to inform
you that Cong Jaime Bacani is also with us helping
and is giving (P10,000), Ate Sabeth Vinuya (P2,000),
Dr. Ronald Canlas (P5,000) and Ate Judy Sim (P5,000).
And to you, my elder and younger Brothers and
Sisters, I am also inviting you to help and
join hand in hand , not only in helping our poor
town mates , but also in calling the attention and
convincing of our politicians, that they make
changes and start serving faithfully in their
respective government positions, for the the
resurgence once again of our country Philippines to
progress.
For there were times then that those who were
branded as activists in the University of the
Philippines (UP) were truly asking :
If we're not the ones to start now, who will?
And if not now, then when?
More than 30 years have gone, since they raised
those questions.
I know that there are those who say that it's
impossible to change the fate of the Philippines.
Indeed that is true, for there is not many among us
who are willing to make a move and start working,
Especially those who talk with loud voices.
Is there such a thing as impossible when
all of us are moving?
Is not the Bible itself saying :
You can move a mountain, if you have
faith.
Is it not our wish, twenty or fifty years from now,
that our children and grand children, and even the
whole world, would look back to learn, there was a
small village called Arenas at the foot of
Mount Arayat, where the people united and started
to rebuild once again the new Filipino race.
Your humble Son and Brother,
Anac Ning Arenas
(Translated for the sake of our younger children to
have an awareness of the good intentions Anac Ning
Arenas have together with the concerned Elders and
loving Sons and Daughters of Arenas for our June 12,
2008 celebration.)
____________________________
Translated from Capampangan
for our English readers
by Jaime G. Bacani,
Apu ng Apung Maria
|